जय जय भगवति हे सुरभारति दरभंगा सुनिवासे ।
कृतकामेश्वरविश्व-सुविद्यालयसौभाग्यविकासे ।। 1 ।। (ध्रु. प.)
जय कामेश्वरसिंह-यशोधवलीकृत-चिन्मयदेहे ।
जनकनन्दिनीजन्म-सुपावन-मिथिलामञ्जुलगेहे ।। 2 ।। जय जय.....।।
कृतहिमगिरिभूषित-भारतभूपिप्पल-खगयुगयोगे ।
आगम-निगम-निरूपितदर्शन-दर्शितयोगवियोगे ।। 3। ।
परतःस्वतः प्रमाणविवेचन-विश्रुतबुधवरशाले ।
मीनसलित-विलसत्सरसीरुह-वीणापुस्तकमाले ।। 4 ।। जय जय..... ।।
गौतम-कपिल- कुमारिल-मण्डन-रचित-सुदर्शनसारे ।
गुरुरवि-बोधितविश्वव्यापक-विद्यावरविस्तारे ।। 5 ।। जय जय..... ।।